سبق نمبر 7 (مذکر مؤنث)
مذکر مؤنث سے متعلق اتنی بات ذہن نشیں کرلیں کہ فارسی میں افعال میں کوئی مذکر مؤنث نہیں ہوتا۔الفاظ کی تذکیر و تانیث ضرور موجود ہے۔۔جبکہ دیگر الفاظ کی تذکیر و تانیث کے لئے جدا الفاظ موجود ہیں۔
جنس چار قسم کی ہوتیں ہیں:۔۔
مذکر
مؤنث
مشترک(مذکر مؤنث دونوں کے لئے مستعمل ہو) اور
بے جان
وہ الفاظ جو تذکیر و تانیث کے لئے جدا جدا موجود ہیں، ان میں سے چند کی مثالیں درجِ ذیل ہیں
اردو فارسی
ماں مادر
باپ پدر
بھائی برادر
(بہن خواہر (یہاں حرف "و" کا تلفظ نہیں کیا جاتا
بیٹا پسر
بیٹی دختر
مرد مرد
عورت زن
وغیرہ وغیرہ
جانوروں کی تذکیر و تانیث کے لئے ان کے ناموں سے پہلے یا بعد میں "نر" یا "مادہ" کااضافہ کیا جاتا ہے۔۔۔
مثلاََ شیرِنر یا نرہ شیر تذکیر کے لئے اور اسی طرح شیرِ مادہ یا مادہ شیر تانیث کے لئے
اسی طرح خرِ نر یا نرہ خر اور خرِ مادہ یا مادہء خر گدھے کی تذکیر و تانیث کے لئے بالترتیب استعمال کیا جاتا ہے
بےجان الفاظ کے لئے فارسی میں کوئی جنس نہیں ہوتی۔جبکہ اردو میں بےجان الفاظ کے لئے بھی تذکیر و تانیث موجود ہے۔
لہٰذا نیکی،بدی، بہادری، شجاعت وغیرہ کے لئے فارسی میں کوئی جنس نہیں ہے اور یہ بھی فارسی کی آسانی کی سب سے
ایک وجہ ہے
کچھ اسم مشترک ہیں، یعنے انہیں مذکر اور مؤنث دونوں کے لئے بولا جاتا ہے۔جیسے کودک(بچہ)، دشمن، فرزند،۔اسی طرح صفتیں بھی جنسِ مشترکہ رکھتی ہیں جیسے نیکاں، بداں،وغیرہ،اسی طرح دانا، پرندہ وغیرہ جیسے اسمِ مشتق بھی جنسِ مشترک رکھتے ہیں۔
وہ تمام اسم جو لاحقہ "زادہ" کے ساتھ مل کر بنائے جاتے ہوں، وہ بھی جنسِ مشترک کہتے ہیں۔۔جیسے برادرزادہ(بھتیجا،بھتیجی) ،خالہ زادہ (خالہ زاد بھائی، بہن) وغیرہ وغیرہ
بےجان الفاظ کی کوئی جنس نہیں ہے۔جیسے سیم(چاندی)، قلم، آہن(لوہا)، میز، چوب(لکڑی) بستہ، ادرک، تکیہ کے لئے کوئی جنس مستعمل نہیں۔
ذیل کے الفاظ سے مذکر و مؤنث علیحدہ علیحدہ کریں:
کنیز
شتر
مادہء شتر
خواہر
گوسالہ
برادر
غلام
دختر
خروس
مادہءشیر
گنجشک
بیگم
مادر
خوش دامن
اشارات:
خروس: مرغ
گنجشک:چڑیا
خوش دامن:ساس
گوسالہ:گائے کا بچہ
No comments:
Post a Comment